Nuoresa

Sa famosa poesia "Dubbios de amore" de Antonio Stefano Demuru cantada a sa Nuoresa dai Francesco Demuru. Accumoanzant Maludrottu cun sa chiterra e Caddeo cun sa fisarmonica.
Dae su canale meu caltazzu92

Paraulas (cantadas)

Ojos che una olta
prite no mi torradas fissare
sezis foss'a sa tolta
apposta pro mi fagher regirare
prite no mi fissades
comente una olta no mi nades

Ojos chi che istellas
brillades a sas dechidas miradas
cudda fissadas bellas
pronta pro me a ue s'unu andadas?
Ojos chi che istellas
brillades a sas dechidas miradas

  

Poesia completa

Ojos che una olta
prite no mi torradas fissare
sezis foss'a sa tolta
apposta pro mi fagher regirare
prite no mi fissades
comente una olta no mi nades

Ojos chi che istellas
brillades a sas dechidas miradas
cudda fissadas bellas
pronta pro me a ue s'unu andadas?
ca mi sun'isparidas
chen'ischire comente tantas chidas

Nademi itte sentide
cun megus ojos bellos lestramente
prite cando m'idides
m'abbaidades a su diferente
cun diversa manera
che una olt'a manzanu e a sera

Innanti regirados
fizis pro me donz'ora de su die
ei com'istraccados
bos sezzis fossi de fissare a mie
cando m'isettaia
su mezzus azzis cambiadu via

Prima tantu fidele
cun miradas suaves m'amaizis
però como crudele
no mi paride pius sos chi fizis
c'appenas m'annotades
benzende a s'ala 'ostra bos grunades

Ojos no mi lassades
dubbiosu pienu de maltrattu
chelzo chi mi torredas
a fissare che prima chen'iscattos
ca si m'abbandonade
sa vida chena culpa mi leade

Cantu in Re

Posca de  calchi chida de pausa chelzo torrare cun una bella cantada in re de Francesco Demuru (sa poesia "Sa tempesta" de Paolo Mossa), accumpanzadu dae sa chiterra de Bruno Maludrottu e sa fisarmonica de Graziano Caddeo
Dae su canale meu de YouTube: caltazzu92

Paraulas

Firma, firma! A ue fues?
Clori bella, inoghe resta...
Mira chi grave tempesta
sun minattende sas nues.

Inoghe solu has iscampu:
firmadi, Clori inumana...
Sa 'idda est troppu lontana,
de percias nudu est su campu.
Firma! Ohimè, ite lampu...
No intendes ite tronu?
Lassa chi torren in bonu
sa conturbadas aeras,
non ses in manos a feras
de s'africana foresta.

Mira chi grave tempesta
sun minettende sas nues!

(finale de sa poesia)

S'orcu non so pro chi orrore
ti fetta e fuas goie.
Ma cuddu so chi unu die
amadu has de tant'amore...
Motivu a giustu rancore
eo t'hapo tentu e non dadu...
Orvidemus su passadu
pro un 'istante assunessi...
S'andas como essi-per-essi
curres a morte funesta.

Mira chi grave tempesta
sun minettende sas nues!

Prite goi zegamente
cheres sa morte affrontare?
Tantu t'affannat restare
pro pagu a mie presente?
Non timas no, chi t'ammente
sa paga fide ch'has tentu,
s'affalzadu giuramentu
sa fatta traittoria...
si sicchet sa limba mia
prima de t'esser molesta.

Mira chi grave tempesta
sun minettende sas nues!

Gratzie a tottu

Cun custu post chelzo ringratziare tottu sos chi sighint custu blog e chi lu faghent connoschere a amigos e parentes, cheret narrere chi s'interessu pro su cantu a chiterra b'este e fintas chi bi sunt sos appassionados de custas cosas, no las amusa a perdere mai! Iscujademi si custas dies no so postende nudda ma so impignadu, dai sa chida chi enidi chilco de sighire a pubblicare atteru materiale!!
Gratzie ancora e saludos a tottu!

Tempiesina (o Gadduresa) e Filunzana

Sa Tempiesina (o Gadduresa) e sa Filunzana sunt duos cantos chi si faghent sempre unu fattu a s'atteru. In custa registrazione Maludrottu accumpazat a chiterra 4 cantadores, duos mascios e duas feminas: Emanuele Bazzoni, Pino Masala, Sara Satta e Noemi Mulas.
Dae su canale de 7obia

Paraulas

(Tempiesina)

Canta la timpiesina
comu canta maddalena
canta la timpiesina
comu canta Maddalena

Saldigna di la Deledda
a comu t'ani discritta
alla rai l'ani ditta
che è melodiosa e bedda

T'ammenti cosa mi disti
un tempu cando mi amai
chi meddu preferiisti
morì chi lassammi mai

Si aissi forza bastanti
pa pudemmi incatinà
si aissi forza bastanti
pa pudemmi incatinà

(no l'appo cumpresu)
chi tramanda la to' cara
(no l'appo cumpresu)
chi tramanda la to' cara

Chi ca po' andacci a piddà
di chista femina mia
si essi a fora mi lea
in casa no possu sta'

Chista risa chi mi fai
ogni olta chi mi idi
o è geniu lu chi m'hai
o è chi di me ti ridi

Semmu inuti pa cantà
chisti canzoni d'amori
no cantu pa fà furori
ch'aggiu ancora d'imparà

(Filunzana)

Cando a mesa manzanada
m'ides passende in carrera
passo pro te palma era
pro ti dare una mirada

Subra a cust'urna sagrada
chi appo lagrimende a rios
sa nina de sos ojos mios
este inoghe sepultada

Itte bella melodia
regala sa primavera
friscas e bentosas areas
nottes serenas ebbia

Su manzanu a sa primm'ora
su bellu cantu formare
dae drommida ischidare
sa nostalgica aurora

Muttos

Muttos de amore cantados dae Giovanni Maria Faedda e Gianni Denanni in d'una registrazione de Videolina. Sos sonadores no isco chie sient. Si calchiunu l'ischit pro piaghere mi lu nerada.
Dae su canale de 7obia

Paraulas

Un'aviatore
est devidu arrivare
dae su continente
bos chelzo saludare
sos chi sezzis presentes
a mannos e minores

In chelu sas istellas
mi aggrada de mirare
cando sunt risplendentes
bos chelzo augurare
a tottu sos presentes
cosas bonas e bellas

Colorida Carmela
sa zente s'incammina
sa festa ch'est in Mara
tue ses sa reìna
ca sa bellesa est rara
dei custa carrera

Sa banda musicale
la sunt preparende
pro faghere sa sonada
asculta rosa amada
ca a tie lu so fattende
custu primu signale

Bida l'appo sa nave
cun sa vela indorada
totta coperta 'e nie
si abbandonas a mie
colombina istimada
faghes peccadu grave

Accollu pioende
ma abbà sa cariasa
ch'est totta fiorida
cun tegus oe e crasa
goi totta sa vida
mi cheria gioghende

PS. Si podet dare chi b'appet un'errore in su primu versu de s'ultimu muttu, si calchi unu cheret curreggere bastu chi mi lu nerada! Grazie

Muttu prolungadu

Su muttu prolungadu est una cantada a muttu meda pius longa, chi sighit un pretzisu testu chena sos giros chi si faghent in d'unu muttu normale. De su muttu però cunservat sa cadenza e su tonu.
In cust'esempiu Emanuele Bazzoni cantat su "Muttu de dispedida" de Antonio Stefano Demuru cantadore de sa prima medade se su '900 (e paesanu meu). Accumpanzant cun sa chiterra Nino Manca e cun sa fisarmonica Gianuario Sannia.
Dae su canale caltazzu92

Paraulas

Adiu e bonasera
zent'amada bos lasso
su coro meu inoghe

Su chi bos naro a boghe
cunfido e lu declaro
su chi a boghe bos naro
est giustu comente Deu

Adiu e bonasera
zent'amada bos lasso
inoghe su coro meu

Custu populu intreu
cun piaghere e gustu
populu intreu custu
ringratzio e adoro

Adiu e bonasera
zent'amada bos lasso
inoghe su meu coro

Unidos cun decoro
bois sezzis, già bos vido
cun decoro unidos
bois sezzis dignamente

Su coro meu inoghe
adiu e bonasera
bos lasso amada zente

So gratu immensamente
pro cust'onore fattu
immensamente gratu
bos so zente educada

Su coro meu inoghe
adiu e bonasera
bos lasso zente amada

Sa presente serada
l'at fatta ennere in mente
sa serada presente
a monte no la passo

Su coro meu inoghe
adiu e bonasera
zent'amada bos lasso

E bois cun ispasso
vivedas sempre goi
e cun ispasso bois
fattedas a manera

Su coro meu inoghe
zent'amada bos lasso
adiu e bonasera

Custa cantada vera
sempre attonada e giusta
cantada vera custa
conclùo in custa zona

Su coro meu inoghe
zent'amada bos lasso
adiu e sera 'ona

E infine perdona
populu in custu fine
e perdonami infine
cantende ca m'avvio

Su coro meu inoghe
zent'amada bos lasso
bonasera e adiu

e custa cantada vera
su coro meu inoghe
zent'amada bos lasso
adiu e bonasera
adiu e bonasera

Nuoresa

Unu cantu a sa Nuoresa de unu grade cantadore comente Giovanni Maria Faedda chi at sempre cunservadu sa cantada "a s'antiga", chena puntare mai troppu a sa potentzia de sa oghe, ma sempre chilchende sa melodia e su sentimentu in sa cantada. A sa chiterra Tony Masia
Dae su canale SuperTonymasia

Paraulas

No chelzo chi piangas
mai cun dolore
pro dare pius turmentu
a cust'amore
 
E sento su calore
in dogni vena
cando pianghes forte
vidas, penas

Torra prestu serena
e tranquilla
no bagnes de piantu
sas pupillas

Pro falsa iscintilla
no cherio
de formare sas lagrimas
a rios

Certu si lu podìa
su piantu calmare
dae mortu a vida
dia torrare

Si podìat toccare
su coro ei sa mente
comente appo a tie
solu presente

Anima innotzente
su piantu cessa e rie
ca in su mundu bramo
solu a tie